“Artistike Zadrima”

23 Nën “Artistike Zadrima”

Punime në tezgjah

Punishtja e “Artistike Zadrima” është ngritur fillimisht në vitin 1992 në fshatin Blinisht. Nismëtarja e saj ishte Znj. Tereze Gega e cila mendoi që traditën e veçantë të tezgjahut, që e karakterizon zonën e Zadrimës, ta praktikonte si një zanat. Kësaj nisme iu bashkuan edhe disa gra të tjera të fshatrave përreth dhe kështu, me ndihmën e Misionit Katolik dhe don Antoino Sciarres, u ngrit një punishte e vogël. Duke pare kërkesat e tregut në rritje u mendua që aktiviteti të transferohej në qytetin e Lezhës. Kjo u bë e mundur në vitin 2006. Për më shumë se 20 vjet, në këtë qendër kanë punuar më shume se 50 gra në periudha të ndryshme, si dhe anë trajnuar rreth 100. Projekti i ardhshëm i kësaj sipërmarrjeje është krijimi i një markë për produktet tona dhe arritja e tregjeve ndërkombëtare.